Auzoko plazetarako proposamenak ezagutu!!

 “Haurren auzoa” ekimena garatzeko egin genuen prozesu parte hartzailearen ostean egindako ideia proiektuaren aurkezpen ekitaldira gonbidatu nahi zaitugu.
Dagoeneko udaletxeak esku artean duen proiektu honetan Rafa plaza, Etxanobe parkea eta Martin ttipia plazatxoa eraberritzeko proposamenak biltzen ditugu. Honetarako hiru bide nagusi erabili ditugu:
  • Espazio horietan egindako behaketa saioak Ramon Bajo eta Goianeko haurrekin. 
  • Ramon Bajo eta Goianeko haurrekin egindako saio parte hartzaileak, bertan espazio horien inguruan hausnartu, amestu eta maketak eraiki zituzten.
  • Auzoko eragileen ekarpenak jasotzeko erakusketa.
Informazio guzti honekin osatu da ideia proiektua eta ezagutzera gonbidatu nahi zaitugu, URRIAREN 25EAN 19:00ETAN OIHANEDERREN IZANGO DA eta haurtzandegi zerbitzua egongo da.